شکر قندی کے لاجواب فوائید Sweet Potato

شکر قندی

 شکر قندی ایک مشہور جڑ ہے ۔ ہندوستان اور 

پاکستان میں ہر جگہ بکثرت پیدا ہوتی ہے ۔

 اگر چہ یہ کھانے میں لذیذ ہوتی ہے 

 

 اور قابل قدر غذائیت رکھتی ہے لیکن قیمت کے 

اعتبار سے سستی ہوتی ہے ۔ اس لئے امیر لوگ 

اس کی طرف بہت کم رغبت کرتے ہیں ۔ 

البتہ غریب لوگ نہایت شوق اور رغبت سے 

کھاتے ہیں ۔

بظاہر نشاستہ اور شکر کا مجموعی ہے ۔ درحقیقت یہ چیزیں شکر قندی کا جزو اعظم ہیں لیکن اس 

میں دوسرے لطیف اجزاء بھی پائے جاتے ہیں ۔ چنانچہ اس میں وٹامن اے کافی مقدار میں ہوتے ہیں 

نیز فولاد اور بعض دیگر معدنی اجزاء بھی کیمیاوی تجربہ کرنے پر اس میں ملتے ہیں ۔ لہذا شکر 

قندی بدن کو تغذیہ اور توانائی بخشنے والے غذائی اجزاء کا مجموعہ ہے ۔ غذائیت کے لحاظ سے آلو 

پر فوقیت رکھتی ہے ۔

شکر قندی کو بھون کر بھی کھاتے ہیں جس کا طریقہ یہ ہے کہ شکرقندی کو نہایت گرم ریت میں 

یا گرم راکھ میں دبا دیتے ہیں ۔ جب شکر قندی پک جاتی ہے تو نکال لیتے ہیں چھیل کر کھاتے ہیں ۔ 

اس میں شک نہیں کہ اس طرح بھونی شکر قند ی نسبتاً زیادہ لذیذ ہوتی ہے ۔ 

البتہ اُبالنے کے مقابلے میں اس طرح بھوننے میں زیادہ دقت ہوتی ہے

 لیکن بہترین ذائقہ کے لئے محنت کرنی پڑتی ہے ۔

    :شکر قندی کا مفید و مزیدار حلوہ

بعض لوگ شکر قندی کا حلوہ بنا کر بھی کھاتے ہیں ۔ یہ حلوہ بدن کو تغذیہ اور تقویت بخشتا ہے ۔

   :شکر قندی کا حلوہ بنانے کا طریقہ 

شکر قندی کا باریک باریک تراش کر خشک کرلیں ، اس کے بعد کوٹ چھان کر آٹا بنائیں ، روزانہ 

صبح کے وقت ایک چھٹانک یہ آٹا لے کر ایک چھٹانک دیسی گھی میں بھونیں اور تین چھٹانک چینی 

کا قوام شامل کرکے حلوہ تیار کریں ۔

اگر چاہیں تو اسمیں مغز بادام، مغز پستہ اور ناریل باریک باریک تراش کر شامل کریں ۔ 

اس کے علاوہ اُبالی ہوئی یا بھوبھل میں بھوئی ہوئی شکر قندی سے بھی حلوہ بنا سکتے ہیں ۔

 اُبالی ہوئی شکر قندی ضرورت کے مطابق لیں اور چھلکے اور ریشوں سے صاف کرکے 

گھی میں بھونیں ، اس کے بعد چینی شامل کرکے بدستور حلوہ تیار کریں ۔

بہترین حلوہ تیار ہے۔

شکر قندی کھانے کے فوائد  ۔

 دماغ کو طاقت دیتی ہے ۔

 جسم کو موٹا کرتی ہے ۔

 قوت باہ مضبوط کرتی ہے ، بشرطیکہ چینی ملا کر کھائی جائے ۔

 جریان کے لئے بے حد مفیدہے ۔

اس کا حلوہ بنا کر کھانا اکسیر کا درجہ رکھتا ہے ۔

 کپکپی اور دانت بجنے سے آرام پہنچاتا ہے ۔ 

شکر قندی کے نقصانا ت 
 قابض ہے اس لئے کمزور معدے والے احباب اجتناب کریں ۔
۲ پیٹ میں بعض دفعہ اپھارہ پیدا کرتی ہے ۔
 جسم کو موٹا کرتی ہے ، کرسی پر بیٹھ کر کام کرنے والوں کے لئے مناسب نہیں ۔
 یہ دیر ہضم ہے ، البتہ اگر چینی یا شہد ملا کر کھائی جائے تو پھر اس کی یہ خاصیت ختم ہوجاتی ہے ۔

احتیاط 
ذیابیطس کے مریض شکر قندی استعمال نہ کریں ۔
دل کے مریض بھی اسے استعمال نہ کریں ۔